Андрэйчанка: Еўразійская эканамічная інтэграцыя не з’яўляецца для Беларусі самамэтай

Еўразійская эканамічная інтэграцыя не з’яўляецца для Беларусі самамэтай, аб гэтым заявіў старшыня Палаты прадстаўнікоў Уладзімір Андрэйчанка. Па яго словах, гістарычнай вяхой ва ўмацаванні інтэграцыі на постсавецкай прасторы стала падпісанне дагавора аб Еўразійскім эканамічным саюзе. Аднак, старшыня Палаты прадстаўнікоў заўважыў, што для паспяховага старту гэтага перспектыўнага геапалітычнага праекта трэба вырашыць значны аб’ём задач, паколькі інтэграцыя – не сама мэта. Таксама Уладзімір Андрэйчанка дадаў : вынікам інтэграцыі павінна стаць паляпшэнне якасці жыцця людзей. Для гэтага неабходна, каб у новых умовах беларуская эканоміка працавала максімальна эфектыўна.