Беларусь і Сербія могуць звязаць Еўрапейскі саюз і Еўразійскі эканамічны саюз. Такое меркаванне ў інтэрв'ю тэлеканалу "Беларусь 1" выказаў Прэзідэнт Сербіі Томіслаў Нікаліч. Паводле слоў Нікаліча, Сербія мае намер далучыцца да ЕС, аднак еўраінтэграцыя не прыпыняе супрацоўніцтва ні з Беларуссю, ні з Еўразійскім эканамічным саюзам. Па словах прэзідэнта Сербіі, супрацоўнічаць з дзвюма інтэграцыйнымі структурамі абавязвае геаграфічнае становішча. “Мы не збіраемся адмаўляцца ад партнёраў па нейкіх палітычных матывах", - падкрэсліў сербскі лідар.