Forbes паставіў Мінск на першае месца ў рэйтынгу камфортных для вядзення бізнесу гарадоў былога СССР.

       У Беларусі руская мова роўная  ў правах з беларускай, адсутнічаюць межы з Расіяй. На другім месцы ў рэйтынгу Forbes знаходзіцца Талін, на трэцім - Вільнюс. Алма-Ата і Астана размясціліся на чацвёртым і пятым месцах адпаведна. Рэйтынг камфортных для вядзення бізнесу гарадоў былога СССР Forbes склаў ўпершыню. Для аналізу браліся сталіцы і горады  з насельніцтвам каля 1 млн чалавек. Даныя разбіваліся на катэгорыі, інфармацыя ў кожнай была сабрана па шэрагу параметраў. Сярод іх, напрыклад, "Багацце" , "Інфраструктура", "Працоўныя рэсурсы", "Фінансавая сістэма", "Падаткі", "Бяспека". Акрамя таго, даследчыкі адзначылі, што і ў рэйтынгу Сусветнага банка Doing Business Беларусь займае 63-е месца, а Расія, напрыклад, 92- е.