Беларусь запрашае кампаніі з правінцыі Гуандун да рэалізацыі праектаў на тэрыторыі Кітайска-беларускага індустрыяльнага парку. Пра гэта паведаміў на сустрэчы з кітайскай дэлегацыяй прэм'ер-міністр Беларусі Міхаіл Мясніковіч. Урад стварае камфортныя ўмовы для інвестараў, якія жадаюць укладваць сродкі ў развіццё вытворчасцей у краіне. Прадугледжаны падатковыя льготы і іншыя прэферэнцыі для рэзідэнтаў парку. Прэм’ер падкрэсліў, што Беларусь і Кітай - стратэгічныя партнёры, паміж лідарамі дзяржаў устанавіліся даверныя ўзаемаадносіны.