У Беларусь прыбылі ўжо больш за 1 650 удзельнікаў і гасцей чэмпіянату свету па хакеі.

         Больш за іншых магчымасцю бязвізавага перасячэння мяжы на час ЧС-2014 для ўдзельнікаў і гасцей хакейнага форуму з 25 красавіка пакуль скарысталіся грамадзяне Польшчы, Латвіі, Германіі і ЗША. Паназіраць за чэмпіянатам свету ў Беларусь прыехалі таксама грамадзяне Бахрэйна, Індыі, Бразіліі, Іарданіі, Ірана, Ірака, Інданезіі, Калумбіі, Мексікі, Новай Зеландыі, Амана, Пакістана, Перу, Саудаўскай Аравіі, Шры-Ланкі, Чылі, Турцыі і шэрагу іншых краін.