Беларусі і Таджыкістану неабходна актывізаваць гандлёва-эканамічнае ўзаемадзеянне ў сельскай гаспадарцы, харчовай і лёгкай прамысловасці, машынабудаванні, гуманітарнай сферы.

         Пра гэта ішла размова падчас дзявятага пасяджэння Беларуска-таджыкскай міжурадавай камісіі па пытаннях гандлёва-эканамічнага супрацоўніцтва ў Мінску, - паведамляе БЕЛТА. Акрамя таго, бакі павінны больш актыўна весці фінансавае ўзаемадзеянне з дапамогай лізінгу, развіваць і ўмацоўваць рэгіянальнае супрацоўніцтва і ўзаемадзеянне па лініі гандлёва-прамысловых палат. Камісія адзначыла вялікі патэнцыял для павелічэння ўзаемнага тавараабароту.