Навукова-практычная канферэнцыя да 70-годдзя вызвалення Беларусі ад нямецка-фашысцкіх захопнікаў пройдзе ў Мінску 27-29 мая, - паведамілі ў прэс-службе Парламенцкага схода Саюза Беларусі і Расіі. Прадугледжана работа трох тэматычных секцый: "Вялікая Айчынная вайна як адна са старонак агульнага гістарычнага мінулага Беларусі і Расіі", "Гуманітарныя аспекты захавання ў Рэспубліцы Беларусь і Расійскай Федэрацыі гістарычнай памяці аб падзеях Вялікай Айчыннай вайны" і "70-годдзе вызвалення Беларусі ад нямецка-фашысцкіх захопнікаў - найважнейшая інфармацыйная падзея Саюзнай дзяржавы". На канферэнцыю таксама вынесены пытанні, якія закранаюць міжнародныя, эканамічныя і сацыяльныя аспекты будаўніцтва і развіцця Саюзнай дзяржавы.