Беларусь і Татарстан абмяркоўваюць магчымасць стварэння сумесных нафтахімічных вытворчасцей

Беларусь і Татарстан абмяркоўваюць магчымасць стварэння сумесных нафтахімічных вытворчасцей. Аб гэтым заявіў у інтэрв'ю праграме "Контуры" на тэлеканале АНТ Прэзідэнт Татарстана Рустам Мініханаў.

Падводзячы вынікі перагавораў, якія прайшлі ў рамках візіту дэлегацыі Татарстана ў Беларусь, Рустам Мініханаў адзначыў, што бакі абмеркавалі перспектывы далейшага супрацоўніцтва ў нафтахімічнай галіне. У прыватнасці, разглядаліся магчымасці стварэння сумесных нафтахімічных вытворчасцей. "Для нас гэта цікава", - падкрэсліў ён. Акрамя таго, татарстанскі бок зацікаўлены ў развіцці сеткі АЗС на тэрыторыі Беларусі. "Мы тут пабудавалі ўжо 17 заправачных станцый, яшчэ чатыры плануем пабудаваць", - праінфармаваў Прэзідэнт Татарстана.

Паводле яго слоў, абмяркоўваюцца таксама сумесныя праекты з "Белкамунмашам" і Мінскім маторным заводам. Акрамя таго, Татарстану цікавы вопыт Беларусі ў развіцці аграпрамысловага комплексу і сельгасмашынабудавання.

Адказваючы на пытанне, ці ствараюць адзін аднаму прамую канкурэнцыю МАЗ і КамАЗ, Рустам Мініханаў, адзначыў, што ў многіх сегментах яны працуюць у адной нішы. Раней абмяркоўвалася пытанне аб інтэграцыі двух прадпрыемстваў. "Але па тых ці іншых прычынах гэтага не адбылося, добра гэта ці дрэнна - не мне судзіць", - сказаў ён. Таксама Прэзідэнт Татарстана дадаў, што два прамысловыя гіганты пры жаданні могуць працаваць на рынках разам. "Асартыментны пералік можна падзяліць - хто якія аўтамабілі вырабляе. Пры жаданні ўсё рэальна, трэба адзін аднаго чуць, паколькі можна было б значна ўніфікаваць платформы, адаптаваць кампаненты. Гэта сабекошт, затраты, гэта ўніфікацыя. Гэтым усё роўна трэба займацца, інакш канкурэнцыю вытрымаць вельмі складана", - рэзюмаваў ён.

 
Emissions sur Internet
concours de selfies
 
Nos fréquences
 

Les emetteurs FM et leur couverture:

Rakitnitsa – 106.2 MHz
Grodno – 95.7 MHz
Svisloch – 104.4 MHz
Gerniony – 99.9 MHz
Braslav – 106.6 MHz
Miadel – 102.0 MHz


Radiodiffusion par satellite :

voir les paramètres de réception ici

Diffusions