Ганаровае консульства Беларусі плануецца адкрыць у Тайландзе

Фота: www.house.gov.by

Ганаровае консульства Беларусі плануецца адкрыць у Тайландзе. Гэта паведаміў спікер ніжняй палаты беларускага парламента Уладзімір Андрэйчанка па выніках перамоў са старшынёй Нацыянальнага заканадаўчага сходу Тайланда Панпечам Вічытчалчаем. Абмяркоўвалася нарошчванне турыстычных патокаў паміж краінамі, размова ішла і аб спрашчэнні візавага рэжыму для беларусаў. Што да гандлёва-эканамічнага супрацоўніцтва, Беларусь зацікаўлена ў нарошчванні паставак у Тайланд сельгастэхнікі, грузавых аўтамабіляў, калійных ўгнаенняў.Старшыня заканадаўчага сходу Тайланда адзначыў узаемадапаўняльнасць эканомік Тайланда і Беларусі і выказаў упэўненасць у далейшым развіцці гандлю.