Беларусь і Расія дамовіліся сумесна пераадольваць негатыўныя эканамічныя тэндэнцыі.

фота: www.belta.by

          Беларусь і Расія дамовіліся сумесна пераадольваць негатыўныя эканамічныя тэндэнцыі. Прэзідэнт Беларусі Аляксандр Лукашэнка сустрэўся з прэм'ер-міністрам Расіі Дзмітрыем Мядзведзевым у Сочы ў нефармальнай абстаноўцы. У цэнтры ўвагі былі тэмы двухбаковага супрацоўніцтва - у працяг тэлефоннай гутаркі прэзідэнтаў Беларусі і Расіі, якая адбылася на мінулым тыдні. Аляксандр Лукашэнка і Дзмітрый Мядзведзеў таксама абмеркавалі вынікі перамоў кіраўнікоў урадаў дзвюх краін. Яны прайшлі ў Санкт-Пецярбургу. Размова ішла аб стане тавараабароту і нарошчванні аб'ёмаў узаемнага гандлю. Прэзідэнт і прэм'ер-міністр закранулі супрацоўніцтва краін у інтэграцыйных аб'яднаннях, у прыватнасці, у Еўразійскім эканамічным саюзе.