Беларусь гатова прыкласці максімум намаганняў для вырашэння турэцка-расійскага канфлікту.

фото: www.mfa.gov.by

         Беларусь гатова прыкласці максімум намаганняў для вырашэння турэцка-расійскага канфлікту. Гэта ў эфіры тэлеканала "Беларусь 1" заявіў міністр замежных спраў нашай краіны Уладзімір Макей. Па словах кіраўніка знешнепалітычнага ведамства, наша краіна нікому не збіраецца навязваць пасрэдніцкія паслугі, але зыходзіць з таго, што націск адно на аднаго і санкцыі - гэта не метад вырашэння праблем у міждзяржаўных адносінах. Што да апошніх рознагалоссяў паміж Расіяй і Турцыяй, Уладзімір Макей выказаў упэўненасць, рана ці позна ўдасца вырашыць гэты канфлікт. Кіраўніцтва Беларусі выказвала свой пункт гледжання на сітуацыю лідарам абедзвюх краін. Беларусь зацікаўлена, каб канфлікт быў урэгуляваны як мага хутчэй, і гатова, калі спатрэбіцца, прыкласці максімум намаганняў для гэтага, так, як робіць па Украіне.