Вяшчальны сезон 2016-2017 на міжнародным радыё «Беларусь» стартаваў 1 верасня новымі праектамі!

       "Беларусь між народамі" - інфармацыйна-аналітычная праграма аб знешнепалітычных прыярытэтах краіны; "Контуры супрацоўніцтва" - праект пра Беларусь як актыўнага ўдзельніка еўрапейскай і еўразійскай інтэграцыі. Радыё «Беларусь у супрацоўніцтве з Пасольствам Кітайскай Народнай Рэспублікі працягвае конкурс аўтарскіх эсе, прысевчаных беларуска-кітайскаму супрацоўніцтву. Запланаваны віктарыны для замежных слухачоў: «Да 500-годдзя беларускага кнігадрукавання», а таксама #clickBELARUS  аб культуры, гісторыі і сучаснасці нашай краіны. У сезоне 2016-2017 будуць працягнуты трансляцыі праграм Радыё «Беларусь» на «Радыё-700" (ФРГ) і радыё «Артадоксія» (Польшча), плануецца далейшае пашырэнне нашай прысутнасці у сусветных сацыяльных сетках і інтэрактыўных платформах, а таксама развіццё ўласнага канала Радыё «Беларусь» на рэсурсе YouTube. Будзем разам!