Новы турыстычны аб’ект адкрыюць у Брэсцкай крэпасці.

         Былы парахавы склад ператвораць у музей. Раней там захоўвалі артылерыйскія снарады. Планіроўка памяшкання застанецца ранейшай. На думку аўтараў, гэта дапаможа максімальна рэалістычна ўзнавіць армейскі побыт канца XIX - пачатку XX стагоддзяў. Аснову экспазіцыі складуць рарытэты з прыватных калекцый. Ля ўваходу ў музей будуць праходзіць тэатралізаваныя дзеянні: першую гістарычную рэканструкцыю пакажуць да Дня горада (у апошнія выхадныя ліпеня).