Дашлі прывітанне!

Гукае ласкай родны край


Шаноўныя сябры!

У кожнага ёсць родны куток, да якога, па словах нашага славутага земляка Францыска Скарыны, мы ўсе “вялікую ласку маем”. Гэта месца, дзе мы нарадзіліся і выраслі, дзе жывуць нашы блізкія і родныя.


Так сталася, што многіх жыццёвая дарога вывела ў вялікі свет, далёка за межы родных мясцін. Прышліце вестачку малой радзіме, родным і блізкім, землякам! Гэта можа быць здымак на фоне вашых сённяшніх гарадоў і краін ці асабістыя здымкі з архіва, сэлфі з вашымі дзецьмі і ўнукамі, бацькамі і дзядамі.


Для некаторых Беларусь – гэта радзіма вашых продкаў, дзе засталіся карані вашых родаў. Яна таксама чакае вашага прывітання!


Да здымкаў вы можаце далучыць вашы лісты-прывітанні ці ўспаміны. Лепшыя матэрыялы будуць адзначаны прызамі!

 

Свае прывітанні дасылайце, калі ласка, праз форму, якую вы бачыце вышэй на старонцы, альбо на адрас hellobelarus@gmail.com (клікніце, каб надыслаць)



Анастасия передает из Пекина привет родным и друзьям в Бобруйске!

На заднем плане — мраморная лодка императрицы Цыси (летний императорский дворец Ихэюань)

 


 

 

 

У каждого человека есть своя малая Родина – край, где он родился, где все кажется ему особенным, родным. У каждого из нас своя Родина, но чувство у всех одно – чувство, что ты здесь родился, чувство гордости и любви, чувство патриотизма.

Моя малая Родина - мой родной и любимый город Мстилавль!

Я, Апаревич (Криницына) Валентина Владимировна, передаю привет родному городу Мстиславлю, Пустынской 8-летней школе, средней школе № 1 г.Мстиславля, а также всем друзьям, знакомым и близким!

Я очень счастлива, что именно этот край - мой родной.

Здесь так прекрасно!


 

 

На тэрыторыі Мікалаеўскай вобласці (Украіна) прадстаўнікамі  беларускай дыяспары створана грамадская арганізацыя «Мікалаеўскае абласное нацыянальна-культурнае таварыства беларусаў «Голас Радзімы».

 

Сябры нашай суполкі праводзяць шмат мерапрыемстваў па папулярызацыі беларускай культуры, беларускіх нацыянальных культурна-асветніцкіх мерапрыемстваў, якія з вялікім задавальненнем наведваюць не толькі нашы суайчыннікі, але і жыхары  г. Мікалаева і Мікалаеўскай вобласці. На сваіх мерапрыемствах заўсёды ствараем "маленькі куточак роднага краю". Мы вельмі любім сваю Бацькаўшчыну, нашу беларускую культуру, цудоўную родную мову (самую прыгожую ў свеце), з вялікай любоўю ўспамінаем беларускую прыроду, чысціню гарадоў і вёсак. З задавальненнем распавядаем усім пра цудоўную, прыгожую,  міралюбную краіну ў цэнтры Еўропы - Рэспубліку Беларусь. На жаль, па розных абставінах, не ўсе нашы актывісты маюць магчымасць часта бываць на Радзіме.

 

Карыстаючыся выпадкам, мы шлём прывітанне Мінску, Віцебску, Гомелю, Магілёву, Івацэвічам, Беразіно, Глускаму, Шклоўскаму, Горацкаму, Хоцімскаму, Дрыбінскаму, Пухавіцкаму, Жлобінскаму раёнам.

 

Напярэдадні Міжнароднага дня роднай мовы правялі літаратурна-музычную кампазіцыю "Родная мова - матуліна мова". Чыталі вершы беларускіх паэтаў, спявалі песні на нашай роднай беларускай мове. Было шмат жадаючых паслухаць нашу мову. Некаторыя гледачы выказвалі сваё зачараванне беларускай мовай. А як нам, прадстаўнікам беларускай дыяспары, было прыемна чуць словы падзякі за праведзенае мерапрыемства ад дыпламатаў  Пасольства Рэспублікі Беларусь ва Украіне, простых жыхароў Мікалаева!  Нам таксама хочацца падзякаваць Пасольства Рэспублікі Беларусь ва Украіне за высокую нагароду - Ганаровую грамату за ўмацаванне беларуска-украінскага гуманітарнага супрацоўніцтва, за падтрымку і дапамогу!

 

І яшчэ хочацца падзяліцца вершам, які напісала ініцыятар стварэння, член праўлення нашай арганізацыі Максіменка (Качэўская) Іна Аляксандраўна, якая нарадзілася ў Віцебску, скончыла Беларускі дзяржаўны універсітэт па спецыяльнасці «Журналістыка» і больш за 40 гадоў працавала карэспандэнтам газеты «Южная правда» у  горадзе Мікалаеве.


Трэба дома бываць часцей,
Да сябе запрашаць гасцей,
Калі дранікі  ў доме ёсць,
Шчыра «Дзякуй» вам скажа госць.

Калі ў доме бывае госць,
З дому раптам знікае злосць,
Гаспадар рады душу адкрыць –
Толькі б госця не засмуціць.

Бутыль агуркоў і поўную чарку,
Свежага хлеба, дамашнюю скварку –
Усё на стале, усе за стол пасядаюць,
Вып'юць па сотцы і заспяваюць.

«А я лягу-прылягу» - нехта песню пачне,-
Толькі не ўскрай дарогі, а на тапчане.
Жонка коўдрай прыкрые, ціха дзверы зачыніць,
Скажа госцю на – Вы: «Хай сабе адпачынуць»...
 

Ад сяброў Мікалаеўскага абласнога нацыянальна-культурнага таварыства беларусаў «Голас Радзімы» прывітанне напісала кіраўнік Таццяна Дзяменнікава (Белавушка).
 

 
 

 

Вітаем землякоў - беларусаў ва ўсім свеце.


Нэапаль - адзін з самых буйных гарадоў Італіі, шмат у ім імігрантаў, якія, не могуць і не хочуць забываць іх Радзіму, яны захоўваюць яе ў душах, як часцінку цяпла і святла. Беларусы не выключэнне. Шмат хто з нас па розных прычынах апынуўся далёка ад роднай Беларусі, але ніхто нават і ў думках не мае забыць родныя, шчаслівыя месцы. Толькі знаходзячыся за тысячы км ад роднага краю, ты да самай глыбіні сэрца разумееш верш:

Каб любіць Беларусь нашу мілую,
Трэба ў розных краях пабываць.
Разумею цяпер, чаму з выраю
Жураўлі на Палессе ляцяць.
Што ім тыя пагоды паўднёвыя!
Што ім пышны платанавы рай,
Калі клічуць іх далі сасновыя
I азёрны рабінавы край.
Сакавітыя пожні мурожныя
He заменіш нічым і нідзе,
I зямлю, дзе сцяжыначка кожная
У прыветлівы двор прывядзе.

 

І каб не адчуваць сябе зусім адарванымі ад Радзімы, мы вырашылі трымацца разам і распавядаць усім аб нашай блакітнавокай Беларусі; сфармавалі наша аб'яднанне "BELLARUS" а пры ім музычны калектыў «Спадчына». Займаемся спевамі і танцамі, рыхтуем традыцыйныя беларускія стравы, захоўваем родную мову, традыцыі, абрады і нясем гэтую інфармацыю па італьянскіх прасторах. Дзякуючы нашай працы многія італьянцы даведаліся ўпершыню пра нашу краіну, многія паглыбілі іх веды, многія захацелі пабываць у ёй асабіста.


Ну а мы – беларусы Італіі, калі выпадае магчымасць наведацца ў родную старонку, ніколі сабе ў гэтым не адмаўляем!



Паважаныя суайчыннікі, памятайце, што даражэй вашай Радзімы, вашай зямлі і вашага народа, вы ніколі і нідзе не сустрэнеце! Беражыце нашу краіну, шкадуйце яе, кахайце і ганарыцеся ёй!
Паверце, што зараз мы разумеем: «…, чаму з выраю жураўлі на Палессе ляцяць»!

 


З павагай і шчырым каханнем да Баларусі і яе жыхароў - кіраўнік беларускага аб'яднання "BELLARUS" у Італіі – Таццяна Пумпулева.



 

 
інтэрнэт вяшчанне
частоты вяшчання
 

FM-перадатчыкі і частоты:

Брэст - 96.4 МГц
Гродна - 96.9 МГц
Свіслач - 100.8 МГц
Геранёны - 99.9 МГц
Браслаў - 106.6 МГц
Мядзель - 102.0 МГц


Спадарожнікавае вяшчанне:

тэхнічныя параметры глядзіце тут

Радыёперадачы
 

Беларусь сёння
Спадчына
Загрузка:
Дзень краіны
Загрузка:
Беларусь між народамі
Запрашаем у Беларусь!