Фотa: belta.by

Пасол Беларусі ў Францыі Ігар Фісенка ўручыў даверчыя граматы Эмануэлю Макрону. Урачыстая цырымонія прайшла ў Елісейскім палацы, паведамляе БЕЛТА. Адбылася размова беларускага дыпламата з французскім прэзідэнтам, у час якой бакі абмяняліся меркаваннямі аб стане і перспектывах развіцця двухбаковых адносін, а таксама аб пазіцыях Беларусі і Францыі па актуальных пытаннях міжнароднага парадку дня. У прыватнасці, у якасці прыярытэтаў далейшага шматбаковага ўзаемадзеяння было вылучана супрацоўніцтва па пытаннях бяспекі і навакольнага асяроддзя.