Фота: belta.by

Беларусь і Славакія правядуць бізнес-форум у Мінску ў кастрычніку. Гэта пытанне абмяркоўвалася падчас візіту намесніка міністра замежных спраў Беларусі, сустаршыні беларуска-славацкай сумеснай камісіі па гандлёва-эканамічным і навукова-тэхнічным супрацоўніцтве Яўгена Шастакова ў Славакію. Ён сустрэўся з дзяржаўным сакратаром Міністэрства эканомікі Славакіі, сустаршынёй славацкай часткі камісіі Расціславам Хованцем. Суразмоўцы абмеркавалі ход рэалізацыі сумесных праектаў, выкананне рашэнняў папярэдняга пасяджэння камісіі, а таксама ўзгаднілі правядзенне яе чарговага пасяджэння і двухбаковага бізнес-форуму ў Мінску.