Першы рэгіянальны форум нацыянальных каардынатараў па Мэтах устойлівага развіцця плануецца правесці ў Мінску у лютым. Форум стане пляцоўкай для абмену перадавым вопытам. Гэта заявіла віцэ-спікер Савета Рэспублікі, нацыянальны каардынатар па дасягненні Мэт устойлівага развіцця Мар'яна Шчоткіна. Ідэю аб правядзенні ў Мінску такога форуму раней падтрымала першы намеснік генеральнага сакратара ААН Аміна Махамед. Між тым, кансультатыўна -экспертная місія ААН па ацэнцы працэсу дасягнення Мэт устойлівага развіцця адзначыла поспехі Беларусі. Перш за ўсё, па пытаннях гендэрнай роўнасці, мацярынства і дзяцінства, сацыяльнай падтрымкі. Місія наведала Беларусь у канцы лістапада - пачатку снежня. Па выніках візіту эксперты ААН павінны прадставіць "дарожную карту" для краіны.