Назіральнікі ад СНД будуць працаваць ва ўсіх акругах краіны, - гэта паведаміў кіраўнік штаба місіі назіральнікаў ад Садружнасці на выбарах дэпутатаў Палаты прадстаўнікоў Нацыянальнага сходу Яўген Слабада. Плануецца, што ўсяго ў місіі будзе больш за 300 чалавек. У дзень галасавання назіральнікі ад СНД маюць намер адсачыць усе этапы: адкрыццё выбарчых участкаў, ход галасавання, падлік галасоў і гэтак далей. Зараз у Беларусі ідзе перадвыбарная агітацыя, яна будзе доўжыцца да 10 верасня. На месцы ў парламенце прэтэндуюць больш за 500 чалавек. Выбары прызначаны на 11 верасня.