Па выніках работы на 1 верасня Беларусь зможа прэтэндаваць на трэці транш крэдыту Еўразійскага фонду стабілізацыі і развіцця. Гэта заявіў журналістам прэм'ер-міністр Андрэй Кабякоў.
У канцы ліпеня быў пералічаны другі транш ў памеры $300 млн. Міністэрства фінансаў Беларусі і Еўразійскі банк развіцця 25 сакавіка падпісалі пагадненне аб прадастаўленні фінансавага крэдыту са сродкаў Еўразійскага фонду стабілізацыі і развіцця. Дакументам прадугледжана выдзяленне фінансавых рэсурсаў на суму $2 млрд у падтрымку мер эканамічнай палітыкі і структурных пераўтварэнняў урада і Нацбанка Беларусі. Сродкі пералічаць сямю траншамі на працягу 2016-2018 гадоў.