Фота: www.belta.by

Міністр замежных спраў Чэхіі Любамір Заоралек наведвае Беларусь. Дыпламат правядзе перамовы з кіраўніком беларускага знешнепалітычнага ведамтсва Уладзімірам Макеем. У маі  яны сустракаліся ў Празе падчас сустрэчы міністраў замежных спраў краін Вышаградскай групы і краін - удзельніц ініцыятывы ЕС "Усходняе партнёрства". Тады бакі разгледзелі магчымасці пашырэння беларуска-чэшскага супрацоўніцтва і ўзаемадзеяння па лініі Беларусь-ЕС. Чэхія па аб'ёмах беларускага экспарту стабільна ўваходзіць у 30 асноўных гандлёвых партнёраў нашай краіны.