Беларускія артысты спяюць на розных мовах на XI Рэспубліканскім фестывалі нацыянальных культур, які пройдзе ў Гродне 4-5 чэрвеня. Акрамя ўдзельнікаў нацыянальных аб'яднанняў у Гродна прыедуць каля 40 вядомых беларускіх выканаўцаў. Госці свята выступяць у гала-канцэрце "кветкі Радзімы". З фестывальнай сцэны будуць гучаць песні, папулярныя ў розных краінах, - нацыянальныя хіты на сэрбскай, украінскай, эстонскай і іншых мовах.
Да таго ж арганізатары свята ў Гродне падрыхтавалі насычаную музычную праграму. Фэст не страціў свае традыцыйныя элементы: гасцей запросяць на падворкі, будзе працаваць інтэрнацыянальная пляцоўка, пройдуць канцэрты.